У гэтыя хвіліны лідары ўсіх краін-удзельнікаў АДКБ сабраліся ў Палацы Незалежнасці. Там адкрылася сесія Савета калектыўнай бяспекі АДКБ. Кіраўнікі дзяржаў прыбывалі адзін за адным. У холе кожнага вітаў Аляксандр Лукашэнка. Гэты год праходзіць у АДКБ пад старшынствам Беларусі. Сярод нашых ініцыятыў: узмацненне ролі арганізацыі на міжнароднай арэне, павышэнне аператыўнай гатоўнасці Калектыўных сіл з акцэнтам на практычны складальнік, удасканаленне сістэмы крызіснага рэагавання і ў цэлым, паглыбленне ваенна-тэхнічнага супрацоўніцтва і гарантаванне эканамічнай бяспекі. Пасля цырымоніі сумеснага фатаграфавання - гэта абавязковая частка пратакола - лідары накіраваліся на перамовы ў вузкім складзе. Адкрываючы саміт, Аляксандр Лукашэнка заявіў, што Беларусь з'яўляецца паслядоўным прыхільнікам актыўнага ўзаемадзеяння ў АДКБ.
На парадку дня каля 20 пытанняў. Чакаецца, што будуць прыняты рашэнні па розных кірунках дзейнасці АДКБ, у якіх знойдуць адлюстраванне і прыярытэты беларускага старшынства. Папярэднія яго вынікі падвялі яшчэ раней на сумесным пасяджэнні Савета міністраў замежных спраў.
Кіраўнікі краін таксама абмяркуюць абстаноўку ў свеце і развіццё арганізацыі ў якасці магутнай структуры, якая гарантуе бяспеку ў рэгіёне. Сімвалічна, старшынства нашай краіны выпала на юбілейны год. У АДКБ адзначаюць адразу дзве круглыя даты: Дагавору аб калектыўнай бяспецы 25 гадоў, а самой арганізацыі - 15. У сувязі з юбілеем плануецца прыняцце дэкларацыі кіраўнікоў дзяржаў. Да падпісання рыхтуюць дакументы і ў сферах інфармацыйнай бяспекі, процідзеяння міграцыі. Падрабязнасці ў наступных выпусках.
