У Мінску праходзіць першая ў гэтым годзе сустрэча трохбаковай кантактнай групы па ўрэгуляванні крызісу ва Украіне. Да абмеркавання далучыліся і прадстаўнікі ЛНР і ДНР.
Галоўныя пытанні парадку дня - асаблівы статус Данбаса, правядзенне ў рэгіёне мясцовых выбараў па ўкраінскім заканадаўстве, а таксама выкананне іншых пунктаў мінскіх дамоўленасцяў. Напярэдадні ў беларускай сталіцы прайшло пасяджэнне падгрупы па палітычных пытаннях. Нагадаем, раней лідары краін "нармандскай чацвёркі" адзначылі важнасць далейшай работы кантактнай групы з мэтай поўнай і ўсёабдымнай рэалізацыі мінскага комплексу мер.
