Напярэдадні ў сталіцы Таджыкістана (Душанбэ) адбылася сесія Савета калектыўнай бяспекі АДКБ з удзелам Кіраўніка беларускай дзяржавы. На сустрэчы ў вузкім саставе лідары Беларусі, Расіі, Казахстана, Арменіі, Кыргызстана і Таджыкістана дамовіліся, што Арганізацыя дагавора аб калектыўнай бяспецы будзе аптымізаваная. Прэзідэнты комплексна разгледзелі найбольш важныя кірункі развіцця АДКБ і адкарэкціравалі планы працы на будучыню.
На пашыраным пасяджэнні кіраўнікі дзяржаў разгледзелі амаль паўтара дзясятка пытанняў. Як падкрэсліў Аляксандр Лукашэнка, Арганізацыя дагавора аб калектыўнай бяспецы патрабуе ўмацавання ваеннай магутнасці і механізмаў крызіснага рэагавання.
Па выніках саміту кіраўнікі дзяржаў падпісалі шэраг дакументаў, а таксама прынялі сумесную заяву. У ім лідары краін АДКБ выказаліся за недапушчальнасць любых санкцый ў абыход ААН, за выкананне Дагавора аб нераспаўсюджанні ядзернай зброі, віталі нядаўняе дасягненне дамоўленасцяў па ўрэгуляванні сітуацыі вакол іранскай ядзернай праграмы.
