9 снежня ў Кыргызстане адбыўся саміт кіраўнікоў дзяржаў ЕАЭС. У Бішкеку лідары Беларусі, Расіі, Арменіі, Казахстана і Кыргызстана вызначылі прыярытэтныя напрамкі развіцця саюза. Эканоміка краін сёлета сутыкнулася з беспрэцэдэнтным санкцыйным націскам.
Але ЕАЭС вытрымаў гэты стрэс-тэст - гэта агульнае меркаванне. Аб'яднанне перабудавала сваю работу з улікам новых умоў. Ідзе строгае выкананне планаў у адпаведнасці са стратэгіяй развіцця да 2025 года.
Толькі разам можна забяспечыць эканамічную незалежнасць краін. Кіраўнікі дзяржаў разгледзелі пытанні па ліквідацыі перашкод на ўнутраным рынку і асноўныя напрамкі міжнароднай дзейнасці. Пачаты перамовы наконт стварэння зоны свабоднага гандлю з ААЭ і Інданезіяй. Таксама заснаваны спецмеханізм фінансавання ўзаемных праектаў у прамысловасці. Гэта гарантыя вытворчай незалежнасці, прыцягнення інвестыцый і новых рабочых месцаў. Прэзідэнт Беларусі агучыў пазіцыю краіны адносна ўмацавання ўнутраных і знешніх пазіцый саюза. Гэта стварэнне сумесных прадпрыемстваў, пераход на разлікі ў ЕАЭС у нацыянальных валютах.
Як адзначыў Аляксандр Лукашэнка, эпоха дамінавання долара завяршаецца. Размова ішла і аб павышэнні міжнароднага аўтарытэту і канкурэнтаздольнасці саюза. Кіраўнік Беларусі прапанаваў правесці сумесны саміт дзяржаў - удзельнікаў ЕАЭС, ШАС і БРІКС.
Усе падрабязнасці ў аглядальніка АТН Белтэлерадыёкампаніі Ілоны Красуцкай (відэа).