У Ашхабадзе стартуе саміт лідараў СНД. Удзел у форуме прыме Прэзідэнт Беларусі

У Ашхабадзе сёння стартуе саміт лідараў СНД. Удзел у ім прыме і наш Прэзідэнт. Учора Аляксандр Лукашэнка прыбыў з рабочым візітам у Туркменістан. На парадку сустрэчы кіраўнікоў дзяржаў - шырокае кола пытанняў у галінах эканомікі, барацьбы з тэрарызмам, у гуманітарнай сферы і спорце. Акрамя таго, для лідараў такія сустрэчы - яшчэ і магчымасць абмеркаваць двухбаковыя адносіны. Перад самітам Садружнасці прайшлі перамовы міністраў замежных спраў краін аб'яднання. Па выніках зацверджаная праграма дзеянняў па актывізацыі партнёрства паміж знешнепалітычнымі ведамствамі. Гэта дапаможа больш цесна каардынаваць дзейнасць на міжнароднай арэне. Усяго на сустрэчы міністраў замежных спраў Садружнасці быў разгледжаны дзясятак пытанняў. У іх ліку - праект звароту кіраўнікоў дзяржаў СНД да народаў краін Садружнасці і сусветнай грамадскасці ў сувязі з 75-годдзем Перамогі савецкага народа ў Вялікай Айчыннай вайне. 

На саміце лідараў у Ашхабадзе чакаецца прыняцце дэкларацыі аб стратэгічным эканамічным супрацоўніцтве краін СНД. Дакумент распрацаваны з улікам лічбавізацыі. Сярод ключавых тэм размовы таксама пытанні барацьбы з карупцыяй, тэрарызмам і інфармацыйная бяспека.