Аб гэтым гаворыцца ў заяве, прынятай групай сумесна з прадстаўнікамі асобных раёнаў Данецкай і Луганскай абласцей па выніках сустрэчы ў беларускай сталіцы.
Падчас перамоў бакі дамовіліся (з нагоды велікодных святаў) аб спыненні агню і чарговым развядзенні сіл, уключаючы цяжкае ўзбраенне. Таксама ўдзельнікі мінскага фармату пагадзіліся садзейнічаць паскарэнню працэдуры перасячэння лініі судакранання ў пунктах уезду і выезду.
Марцін Сайдык, спецпрадстаўнік АБСЕ ў трохбаковай кантактнай групе: "ТКГ і прадстаўнікі АРДВ і АРЛВ вітаюць рашучасць усіх удзельнікаў мінскага працэсу забяспечыць поўнае выконванне рэжыму спынення агню ў сувязі з маючымі адбыцца велікоднымі святамі, якое ўступіць у сілу ў суботу, 1 красавіка, у 00:00".
Тым часам улады Украіны расследуюць нападзенне на польскае консульства ў Луцку. Гэтай ноччу будынак абстралялі з гранатамёта. Снарад трапіў у службовае памяшканне. Ніхто не пацярпеў. Афіцыйная Варшава запатрабавала ад Кіева тлумачэнняў наконт інцыдэнту і заявіла ноту пратэсту. Усе польскія консульствы ва Украіне часова закрытыя. У той жа час СБУ ўбачыла ў атацы "расійскі след". Прэзідэнт Пётр Парашэнка даручыў сілавым ведамствам узмацніць ахову дыпустаноў, а таксама прапанаваў кіраўніку Польшчы Анджэю Дуду прыцягнуць да расследавання атакі польскіх спецыялістаў.
