Садружнасць падтрымлівае рашэнне Беларусі не запрашаць для назірання місію АБСЕ. Маніторынг асобных заходніх структур за ходам выбараў на тэрыторыях краін СНД часта выкарыстоўваецца выключна для ўмяшання ва ўнутраныя справы дзяржаў.
Аб гэтым заявіў кіраўнік місіі ад СНД Сяргей Лебедзеў падчас сустрэчы са старшынёй Цэнтральнай выбарчай камісіі. Пры гэтым заходнім "калегам" было не аднойчы прапанавана выпрацаваць адзіныя прынцыпы для назірання.
У Выканаўчым камітэце СНД пачаў працу штаб місіі. Мяркуецца, што ў доўгатэрміновым перыядзе да назірання далучацца 50 чалавек, а агульная колькасць назіральнікаў ад Садружнасці да асноўнага дня галасавання дасягне паўтары сотні.