Завяршае сваю працу ў Мінску пасол Азербайджана Лаціф Гандзілаў. З прадстаўніком Баку ў Беларусі сустрэлася сёння старшыня Савета Рэспублікі Наталля Качанава. Двухбаковыя адносіны паміж краінамі за апошнія гады значна актывізаваліся. Мінск і Баку маюць намер і далей развіваць шматвектарнае супрацоўніцтва ва ўсіх сферах, абапіраючыся на дружалюбныя адносіны.
Паміж Беларуссю і Азербайджанам наладжаны экспарт і імпарт. Тавараабарот летась вырас у паўтара раза і дасягнуў практычна 450 мільёнаў долараў.