Чакаецца, што Наваз Шарыф правядзе шэраг афіцыйных сустрэч і пабывае на машынабудаўнічых прадпрыемствах.
Таксама адбудуцца перамовы з Прэзідэнтам Беларусі. У дні візіту ў Мінску адкрыецца і бізнес-форум. Удзел у ім на гэты момант пацвердзілі каля 20 пакістанскіх кампаній. А сёння ў сталіцы адбудзецца пасяджэнне міжурадавай камісіі дзвюх краін па гандлёва-эканамічным супрацоўніцтве.
Нагадаем, сёлета ў маі з афіцыйным візітам у гэтай ісламскай рэспубліцы знаходзіўся Аляксандр Лукашэнка. Кіраўнік беларускай дзяржавы правёў перамовы з Прэзідэнтам Пакістана і прэм'ер-міністрам. У Ісламабадзе пабывала і вялікая беларуская дэлегацыя, у склад якой увайшлі міністры, кіраўнікі буйных дзяржаўных і прыватных структур, прадпрымальнікі. Падчас візіту былі дасягнутыя дамоўленасці наконт стварэння ў абедзвюх краінах сумесных прадпрыемстваў. Акрамя таго, быў падпісаны пакет з двух дзясяткаў дакументаў, накіраваных на пашырэнне супрацоўніцтва Беларусі і Пакістана ў розных сферах.
