З прапановамі выступіў Прэм'ер-міністр краіны Андрэй Кабякоў. Дакумент адлюстроўвае асноўныя кірункі працы - ад эканомікі да аховы здароўя. Сумесна з Нацбанкам гатовыя 3 сцэнарыі развіцця эканомікі. Прагнозы сфарміраваны ў залежнасці ад цаны на нафту і дынамікі курсу расійскага рубля. Базавы сцэнарый на 2015 улічвае 50 долараў за барэль. Ва ўрадзе не выключаюць, што на працягу года могуць скарэктаваць бюджэт Беларусі.
Сёння дэпутаты ратыфікавалі абноўленае беларуска-расійскае пагадненне аб будаўніцтве ў Беларусі атамнай электрастанцыі. Узвядзенне першага і другога блокаў БелАЭС ідзе ў адпаведнасці з графікам. Першы ўвядуць у эксплуатацыю ў 2018 годзе, другі - у 2020-м.
