Каля 11,5 % беларусаў датэрмінова прагаласавалі за два дні

Такія звесткі прыводзіць Цэнтрвыбаркам. Найбольш актыўна вызначаюць свайго кандыдата жыхары Віцебскай вобласці.

Яшчэ адзін этап выбарчай кампаніі дэпутатаў новага парламента перасягнуў экватар. Сёння трэці з пяці дзён датэрміновага галасавання. Гэта магчымасць для тых, хто з якой-небудзь прычыны не зможа прыйсці на выбарчы ўчастак у нядзелю. Напярэдадні свой грамадзянскі доўг выканала ў Магілёве - на сваёй малой радзіме - Карына Дзёмінская, сярэбраны прызёр па стральбе з лука II Еўрапейскіх гульняў.  Датэрміновае галасаванне на выбарах у парламент падоўжыцца па 16 лістапада.