Аб пытаннях нацыянальнай бяспекі сёння гавораць у Палацы Незалежнасці.
Прэзідэнт сабраў пасяджэнне Савета бяспекі. Напружанае становішча ў свеце і непасрэдна ля беларускіх меж прымушае трымаць руку на пульсе. Польшча і краіны Балтыі працягваюць абвінавачваць афіцыйны Мінск у агрэсіўных намерах, у гэты ж час адмаўляючыся ад міжнародных актаў у сферы кантролю ўзбраення і толькі дадаючы замежнага кантынгенту.
Беларусь запрасіла Польшчу ў якасці назіральнікаў на вучэнні АДКБ пад Брэстам
Паводле слоў Прэзідэнта, Беларусь заўсёды гатовая да аднаўлення добрых адносін з суседзямі, але пакуль узаемаразумення няма. У пацвярджэнне сваіх намераў Мінск запрасіў прадстаўнікоў Польшчы ў якасці назіральнікаў на вучэнні АДКБ "Баявое братэрства - 2023", якія заўтра пачнуцца на Брэсцкім палігоне.
Такія вучэнні адкрытыя і для ваенных аташэ, якія прысутнічаюць у краіне, што яшчэ раз падкрэслівае зразумелы характар беларускай ваеннай дактрыны - падтрыманне міжнароднага міру і бяспекі.
