Ужо які дзень мы пачынаем выпуск з календара падзей выбарчай кампаніі Беларусі. На гэтым тыдні стартаваў збор подпісаў ініцыятыўных груп. Нагадаем, Цэнтрвыбаркам зарэгістраваў іх 8. Каб прэтэндэнты сталі кандыдатамі, за кожнага з іх неабходна сабраць як мінімум 100 тысяч подпісаў. Сярод тых, хто ўжо распісаўся, - студэнты, бізнесмены, вайскоўцы і пенсіянеры.
Ілона Красуцкая аб працы ініцыятыўных груп. Гэтыя словы для Галіны Казарынай і яе актыўнай каманды, мабыць, зараз гучаць часцей за звыклыя "Добры дзень". Подпіс за іх кандыдата з'явіцца ў падпісным лісце толькі ў абмен на пашпарт. Перачытваць зноў выбарчы кодэкс не давялося. Сябры называюць палітычнымі докамі - гэта выбарчая кампанія для іх другая.
А вось для дэбютантаў Цэнтрвыбаркам працягвае праводзіць лікбезы. Навучальны семінар прайшоў у Брэсце. Галоўны лектар - Мікалай Лазавік. У першую чаргу сакратар ЦВК дзеліцца навінамі кампаніі.
Праграма, узрост і адукацыя кандыдата - самыя папулярныя пытанні, на якія прыходзіцца адказваць удзельнікам ініцыятыўных груп. Нагадваюць і пра спіс табу. Нягледзячы на ўсе просьбы падарыць майкі або кепкі з лагатыпам іх партыі або аб'яднання, рабіць гэта яны не маюць права. Любы такі жэст Цэнтрвыбаркам можа расцаніць як подкуп. Забаронены і паўторны аўтограф за аднаго і таго ж прэтэндэнта. А вось падпісацца адразу за некалькі кандыдатаў дазваляецца. Аднак упэўненыя ў сваім выбары грамадзяне часцей за ўсё не карыстаюцца гэтай магчымасцю.
Марафон пікетаў выклікае цікавасць у іншаземцаў. Прадстаўнікі ініцыятыўных груп на іх пытанні адкажуць. І толькі. Бо аддаць аўтограф на карысць таго або іншага прэтэндэнта выключны прывілей беларусаў.
Каб групам сапраўды апраўдаць свой статус ініцыятыўных, шматлікім удзельнікам даводзіцца збіраць аўтографы па максімуме - усе дазволеныя 14 гадзін за суткі. Яно і зразумела, у пагоне за подпісамі дарагая кожная хвіліна. У гэту суботнюю раніцу аншлаг у Віцебску, напрыклад, быў каля буйных гандлёвых цэнтраў і прыпынкаў грамадскага транспарту.
Лідары ініцыятыўных груп часта жанчыны. Нароўні з моцным полам гатовыя раздзяліць адказнасць перад усёй краінай.
За дзень у барацьбе за запаветныя 100 тысяч аўтографаў удзельнікі ініцыятыўных груп паспяваюць пабываць у розных канцах горада, абысці дзясяткі кватэр. Але патэлефанаваць у дзверы беларусам яны могуць яшчэ літаральна на працягу гадзіны. Пасля 22 вечара збор подпісаў забаронены.
Яшчэ амаль месяц ініцыятыўныя групы будуць растлумачваць грамадзянам усе нюансы маючых адбыцца выбараў. 21 жніўня - апошняя дата падачы падпісных лістоў у выбарчыя камісіі. У 10-дзённы тэрмін тыя правераць іх дакладнасць. Рэгістрацыю кандыдатаў Цэнтрвыбаркам правядзе з 6 па 15 верасня. Тады стане вядома, хто атрымаў права перайсці да агітацыі, каб 11 кастрычніка пазмагацца за пасаду Прэзідэнта.
