Шматлікія назіральнікі пачалі сваю працу ў Беларусі яшчэ ў ліпені. Яны ўжо наведалі рэгіёны і ўдзельнічалі ў фарміраванні выбарчых камісій. Сёння місіі як міжнародных, так і ўнутраных назіральнікаў пачалі сваю працу на выбарчых участках. І вось першыя ацэнкі.
Павел Князеў, унутраны назіральнік:
"Парушэнняў падчас арганізацыі выбараў не выяўлена. Усе працэдурныя моманты выкананыя, апячатаная урна, адпавядае колькасць людзей, якая неабходна для ажыццяўлення працэдуры галасавання".
У Магілёўскай вобласці сёння дзверы для датэрміновага галасавання адчынілі 730 участкаў. Падтрымаць свайго кандыдата ў дэпутаты прыйшлі тыя, хто з розных прычын не зможа прагаласаваць 11 верасня.
Уладзімір Маціеўскі, старшыня выбарчай камісіі № 67 Магілёўскай сельскай выбарчай акругі №88:
"Працуем у холе ўсе тры камісіі, і кожная камісія гатовая аказаць садзейнічанне і дапамогу любому выбаршчыку, з любога ўчастку: накіраваць на патрэбны ўчастак для выканання свайго грамадзянскага доўгу. Вядома, зручна, калі максімальная колькасць участкаў размяшчаецца ў адным месцы".
Прагаласаваць датэрмінова вырашылі шматлікія жыхары Гродзенскай вобласці. У рэгіёне сёння адкрыліся 642 участкі. На адзін з іх прыйшоў прызёр Алімпіяды ў Рыа Іван Ціхан. За празрыстасцю працэдуры выбараў, а таксама за ходам працэсу галасавання назіралі прадстаўнікі БДІПЧ АБСЕ, СНД і Беларускага хельсінкскага камітэта.
