Беларусь падтрымлівае ініцыятыву турэцкага боку па абнаўленні пагаднення аб узаемным садзейнічанні і абароне інвестыцый. Гэта тэма абмяркоўвалася сёння на сустрэчы прэм'ер-міністра Беларусі Міхаіла Мясніковіча са старшынёй Вялікага нацыянальнага сходу Турцыі Джэмілем Чычэкам.
Прэм'ер-міністр таксама перадаў словы прывітання турэцкай парламенцкай дэлегацыі і найлепшыя пажаданні прэзідэнту Турцыі ад імя Кіраўніка беларускай дзяржавы Аляксандра Лукашэнкі.
У сваю чаргу спікер турэцкага парламента пацвердзіў, што ў Турцыі была і захоўваецца палітычная воля ў кірунку развіцця двухбаковых адносін з Беларуссю.
