Вялікую цікавасць да выбараў і датэрміновага галасавання выяўляюць і беларусы, якія гэтымі днямі знаходзяцца за мяжой. За межамі нашай краіны сфарміравана 47 участкаў. Мая калега Вікторыя Сянкевіч датэрмінова прагаласавала на выбарчым участку ў Берліне.
Усе ўчасткі, што знаходзяцца ў беларускіх дыпмісіях за мяжой, прыпісаны да Купалаўскай выбарчай акругі. Гэта тая акруга, на тэрыторыі якога знаходзіцца Міністэрства замежных спраў Беларусі. Кожны беларускі грамадзянін, які знаходзіцца гэтымі днямі ў Германіі, можа рэалізаваць сваё права ўдзелу ў выбарах. Вось і я прагаласую тут, у камандзіроўцы.
Бюлетэні для галасавання ў электронным выглядзе накіроўваюцца акруговай камісіяй у МЗС і потым рассылаюцца пасольствам. Тут іх раздрукуюць, завераць як мінімум два члены ўчастковай выбарчай камісіі. Асаблівасць у тым, што няма верхняй мяжы. Колькі дакладна выбаршчыкаў прыйдзе на ўчастак - сказаць нельга. Бо хтосьці можа аказацца тут у дзелавой паездцы або на адпачынку і тым не менш прыняць удзел у выбарах.
Датэрміновае галасаванне ў свеце - звычайная практыка. У Германіі чвэрць выбаршчыкаў, як правіла, лічаць за лепшае аддаць свой голас да дня выбараў. Практычныя немцы выбіраюць гэты варыянт, каб сэканоміць свой час.
Жыхары Берліна прыйдуць на выбарчыя ўчасткі 18 верасня. Менавіта ў гэты дзень пройдуць выбары ў ландатаг. У гэты ж дзень раскрыюць канверты з бюлетэнямі для галасавання.
Рызыкну выказаць здагадку, што гэты мультыкультурны горад наўрад ці паўторыць вопыт зямлі Мекленбург-Пярэдняя Памеранія. Там літаральна днямі выбралі альтэрнатыву для Германіі. Маладая партыя, як часта гавораць правапапулісцкая, імкліва набірае ачкі, умела разыгрывае карту з мігрантамі. Выбары ў парламент праз год. І 2017 пакажа, наколькі моцныя пазіцыі Ангелы Меркель.
