Новыя асобы ў дыпкорпусе, міністэрствах і мясцовай вертыкалі. Вынікі кадравага панядзелка ў Прэзідэнта.
Кадравыя рашэнні Прэзідэнта
Прызначаны адразу некалькі паслоў, якія будуць прадстаўляць інтарэсы Беларусі за мяжой. У Таджыкістане гэта місія ўскладзена на Віктара Дзенісенку. Сяргей Лукашэвіч паедзе на іншы кантынент - ён будзе прадстаўляць нашу краіну ў Бразіліі. Андрэй Чарнецкі прызначаны паслом у Рэспубліку Карэя. Звяртаючыся да дыпламатаў, Прэзідэнт нагадаў - эканоміка першым чынам! Таксама кіраўніком дзяржавы ўзгоднены кіраўнікі Камянецкага, Жабінкаўскага, Касцюковіцкага раёнаў, кіраўнік адміністрацыі Першамайскага раёна Віцебска. У рэгіёнах спектр задач - ад эканомікі і сельскай гаспадаркі да працы з людзьмі.
Прэзідэнт сустрэўся з паслом Малдовы ў Беларусі з нагоды завяршэння яго дыпмісіі
Таксама Прэзідэнт напярэдадні сустрэўся з паслом Малдовы. Віктар Сарачан завяршае дыпмісію ў Беларусі пасля чатырох гадоў працы. Аляксандр Лукашэнка адзначыў значны асабісты ўклад дыпламата ва ўмацаванне двухбаковых адносін Мінска і Кішынёва і запэўніў - Беларусь і надалей будзе падтрымліваць курс на далейшае збліжэнне нашых краін і народаў. Кіраўнік дзяржавы выказаў упэўненасць, што, нягледзячы на змену палітычнага кіраўніцтва Малдовы, рэспубліка заўсёды застанецца для Беларусі добрым і надзейным сябрам.
