У Беларусі працягваецца датэрміновае галасаванне на выбарах у Палату прадстаўнікоў. За два дні ўдзел у ім узялі амаль 10 % выбаршчыкаў. Тым часам яшчэ тры патэнцыяльныя кандыдаты ў дэпутаты адмовіліся ад перадвыбарнай гонкі.
Пра гэта ў эксклюзіўным інтэрв'ю нашаму тэлеканалу заявіла кіраўнік Цэнтрвыбаркама Лідзія Ярмошына. У студыі Белтэлерадыёкампаніі адбыўся запіс фінальнага звароту напярэдадні парламенцкіх выбараў. Такім чынам, на 110 месцаў прэтэндуюць 488 чалавек. Лідзія Ярмошына распавяла і аб скаргах, якія паступаюць у выбаркамы. Большасць з іх кіраўнік ЦВК назвала неабгрунтаванымі. Так, у прыватнасці, заклікі або запрашэнні прагаласаваць за таго або іншага кандыдата не з'яўляюцца парушэннем заканадаўства. На парламенцкіх выбарах не існуе дня цішыні, таму агітацыя дазволена аж да вечара суботы 10 верасня. Акрамя таго, напярэдадні асноўнага дня галасавання беларусы атрымаюць СМС-паведамленне з запрашэннем прыняць удзел у выбарах.
Датэрміновае галасаванне прадоўжыцца па 10 верасня ўключна. Выбарчыя ўчасткі адкрыты з 10 да 14 і з 16 да 19 гадзін. Маніторыць маючыя адбыцца выбары будуць больш за 800 міжнародных назіральнікаў. Яны прадстаўляюць місіі БДІПЧ, СНД, парламенцкіх асамблей Савета Еўропы, ПА АБСЕ і Шанхайскай арганізацыі супрацоўніцтва.
