Прадпрыемствы абароннага сектара працуюць перш за ўсё ў інтарэсах нацыянальнай бяспекі. Плюс да гэтага комплекс уносіць важкі ўклад у эканоміку.
Традыцыйна ў ваенна-прамысловай сферы задзейнічаны тэхналогіі самага высокага ўзроўню. Умовы працы прадпрыемстваў абароннай прамысловасці апошні час змяніліся - уплывае і эпідсітуацыя, і рост санкцыйнага прэсінгу. Але гэта не крытычна. Беларусь ніколі нікому не пагражала, але заўсёды павінна быць гатовая пастаяць за сябе. З гэтым і звязаны даручэнні Прэзідэнта па распрацоўцы і выпуску ўласнага ўзбраення.
А. Лукашэнка: Мы павінны стралковую зброю вырабляць у сябе
Арганізацыі ваенна-прамысловага сектара працуюць стабільна, нягледзячы на ўсе знешнія акалічнасці. Больш увагі ў гэтай сувязі імпартазамяшчэнню. Прэзідэнта цікавілі фінансавыя паказчыкі працы прадпрыемстваў абароннага сектара, а таксама напрацоўкі ў сферы стварэння новых і перспектыўных узораў узбраення.
БТР айчыннай вытворчасці будзе ўпершыню прадстаўлены на выставе Milex-2021
Дарэчы, вітрынай беларускіх магчымасцяў традыцыйна стане міжнародны форум Milex. Сёлета там упершыню будзе прадстаўлены БТР айчыннай вытворчасці. А ў цэлым больш за 300 узораў найноўшых відаў узбраенняў, ваеннай і спецыяльнай тэхнікі. Маштабны зброевы агляд, які заўсёды прыцягвае ўвагу спецыялістаў з усяго свету, адкрыецца праз 2 тыдні.
