Беларусь сёння возьме ўдзел у фінальнай частцы падрыхтоўкі саміту ААН па пытаннях развіцця. На перамовах плануецца абмеркаваць праект выніковага дакумента для сцвярджэння лідарамі краін-удзельніц Форуму ў верасні. Дэлегацыя нашай краіны на чале з намеснікам Міністра замежных спраў Валянцінам Рыбаковым мае намер прадоўжыць прасоўваць беларускія ініцыятывы - у тым ліку ідэі важнай ролі традыцыйнай сям'і ва ўстойлівым развіцці і неабходнасці ўзмацнення барацьбы з гандлем людзьмі.
Дзмітрый Мірончык, начальнік упраўлення інфармацыі, прэс-сакратар МЗС Беларусі: "Беларусь актыўна ўдзельнічае ў міжнародных намаганнях у сферы развіцця. Наша краіна датэрмінова выканала пяць з васьмі МРТ. Прадаўажаецца праца па дасягненні да канца 2015 года Мэт развіцця па барацьбе з ВІЧ/СНІД, малярыяй і іншымі захворваннямі; забеспячэнні спрыяльнага навакольнага асяроддзя; фарміраванні глабальнага партнёрства ў мэтах развіцця. Акрамя таго, беларускія прадстаўнікі зрабілі свой уклад у распрацоўку Мэт устойлівага развіцця ў 17 галінах, якія ўдзельнікі Саміту ААН-2015 зацвердзяць у Нью-Ёрку ў верасні".
На саміце ААН, які запланаваны на 25 верасня, падвядуць вынікі рэалізацыі Мэт развіцця Дэкларацыі тысячагоддзя, прынятай прэзідэнтамі ў 2000 годзе. Будзе таксама адобраны новы міжнародны парадак дня ў галіне развіцця з пералікам мэт і асноўных кірункаў міжнароднага ўзаемадзеяння на наступныя 15 гадоў.
