Беларусь і Расія рыхтуюцца да юбілейнай даты. 25 гадоў дыпадносінаў. Сёння напярэдадні свята прэс-канферэнцыю правёў кіраўнік МЗС Расіі. Сяргей Лаўроў адказаў на пытанні журналістаў вядучых беларускіх СМІ. Адзначым, у такім фармаце "дружалюбнай размовы" сустракаюцца ўпершыню. Усе падрабязнасці - у рэпартажы Дар'і Белавусавай-Пятроўскай.
У такім фармаце беларускія журналісты і кіраўнік МЗС Расіі сустракаюцца ўпершыню. Звычайна гэтае інтэрв'ю на афіцыйных прэс-канферэнцыях, а тут зносіны больш нагадваюць сяброўскую размову. Пытанняў шмат, але з-за шчыльнага графіку Сяргея Лаўрова неабходна ўкласціся ў гадзіну. Таму - толькі самае важнае. Адна з хвалюючых тэм - роўныя правы грамадзян Беларусі і Расіі.
З 1 чэрвеня ў Расійскай Федэрацыі ўступіў у сілу закон, які забараняе працаваць вадзіцелям з замежнымі вадзіцельскімі пасведчаннямі. І беларусы "аўтаматычна" трапілі пад раздачу. А гэта прамое парушэнне дагавора аб стварэнні Саюзнай дзяржавы, дзе беларусы маюць роўныя правы на працаўладкаванне ў Расіі, як і расіяне ў Беларусі.
Сяргей Лаўроў, міністр замежных спраў Расіі: "Часам узнікаюць рэчы, якія патрабуюць неадкладнага рашэння, як гэта адбылося з вадзіцельскімі пасведчаннямі, але 16 чэрвеня, літаральна праз два тыдні пасля таго, як гэтае пытанне стала выклікаць боязь, была прынята пастанова Кабінета міністраў у Санкт-Пецярбургу, і пытанне было знята".
Вялікі ажыятаж сёлета выклікаюць сумесныя беларуска-расійскія вучэнні "Захад-2017", якія пройдуць на тэрыторыі нашай краіны. Гэта традыцыйнае мерапрыемства, тым не менш, сёння самае моднае пытанне, якое задаюць розныя СМІ, як беларускім, так і расійскім афіцыйным асобам - наколькі верагодна, што расійскія вайскоўцы застануцца ў Беларусі?
Сяргей Лаўроў, міністр замежных спраў Расіі: "Стогны і галашэнне вакол нашых ваенных вучэнняў з РБ яны не першы год назіраюцца. Зараз вучэнні "Захад-2017", некалькі гадоў назад былі вучэнні "Шчыт Саюза - 2015", тыя ж самыя крыкі раздаваліся, маўляў, зараз расійскія войскі ўвойдуць нібыта для правядзення вучэнняў, потым застануцца там навекі і акупіруюць РБ. Такія чуткі ўжо былі шматкроць аспрэчаныя, і з расійскага, і з беларускага боку. Нашы калегі з Паўночна-Атлантычнага альянсу, выдатна ведаюць, што ў іх ёсць запрашэнні на гэтыя вучэнні".
Журналістаў цікавіла рэакцыя Масквы на пацяпленне адносін Беларусі і Еўрасаюза. Як адзначыў Сяргей Лаўроў, такое збліжэнне ні ў якім разе не пагоршыць наша саюзніцкае сяброўства.
Сяргей Лаўроў, міністр замежных спраў Расіі: "У нас няма ніякіх алергій, адчуванні рэўнасці, гэта натуральнае імкненне любой краіны, у тым ліку РФ шукаць узаемавыгадныя сувязі з усімі сваімі суседзямі. Беларусь, улічваючы геаграфічнае і геапалітычнае становішча вашай краіны, мае поўнае права, нават павінна дабівацца добрага стаўлення з усімі сваімі суседзямі. Тое, што да суседзяў прыходзіць азарэнне, і яны пачынаюць адмаўляцца ад санкцый у дачыненні Беларусі, гэта можна толькі прывітаць".
Журналісты цікавіліся меркаваннем кіраўніка МЗС Расіі на агульную міграцыйную палітыку. Зараз рыхтуецца міжурадавае пагадненне аб узаемным прызнанні віз. Сяргей Лаўроў пахваліў беларускіх перагаворшчыкаў за настойлівасць і аргументаванасць у рашэнні газавага пытання з Расіяй. Сустрэча беларускіх журналістаў з Сяргеем Лаўровым сёння транслявалася не толькі ў Беларусі, але і на ўсіх федэральных расійскіх тэлеканалах.
