Беларусь і ААЭ падпісалі пагадненне аб супрацоўніцтве ў праваахоўнай сферы

Беларусь і Аб'яднаныя Арабскія Эміраты падпісалі пагадненне аб супрацоўніцтве ў праваахоўнай сферы. Напярэдадні Іван Кубракоў сустрэўся з міністрам унутраных спраў ААЭ. Кіраўнікі МУС дзвюх краін дамовіліся аб партнёрстве ў галіне бяспекі і процідзеянні тэрарызму, а таксама падпісалі Мемарандум па пытанні ўзаемнага прызнання і абмену вадзіцельскіх пасведчанняў. Падчас візіту ў Арабскія Эміраты беларускія праваахоўнікі азнаёміліся з матэрыяльна-тэхнічнай базай Паліцэйскага каледжа Абу-Дабі і Цэнтра аператыўнага ўпраўлення МУС ААЭ.