Беларусь гатовая весці дыялог з усімі краінамі без выключэння - вялікі дыпламатычны дзень у Палацы Незалежнасці

Дыялог з усімі дзяржавамі на прынцыпах павагі, раўнапраўя, справядлівасці. Такога правіла Беларусь нязменна прытрымліваецца ў знешняй палітыцы. Гэта чарговы раз пацвердзіў Прэзідэнт, прымаючы 15 лютага ад замежных дыпламатаў даверчыя граматы. Іх уручылі паслы 8 краін: Азербайджана, Узбекістана, Кыргызстана, Турцыі, Японіі, Непала, Султаната Аман і Гвінейскай Рэспублікі. З кожнай дзяржавай ёсць пункты судакранання і магчымасці. Накіраваць энергію двухбаковага супрацоўніцтва ў патрэбнае рэчышча - галоўная місія дыпламатаў. Пакуль планету ліхаманіць, Беларусь застаецца прыхільнікам непадзельнай бяспекі, выступае за больш справядлівую светабудову, за магчымасці для развіцця. У непрадузятых дзяржаў гэтая пазіцыя выклікае толькі павагу. Падрабязнасці ў сюжэце Наталлі Брэвус (відэа).