А. Лукашэнка: Ідзе гібрыдная вайна супраць Беларусі, мы павінны чакаць гадасцей з любога боку

Галоўная электаральная кампанія ў Беларусі падыходзіць да свайго фіналу, да выбараў застаюцца тры дні. Для любой краіны гэта заўсёды няпросты перыяд. Але, будзем гаварыць шчыра, у Беларусі нервовы фон вакол шмат у чым ствараецца штучна. У ход ідуць тэхналогіі, інфармацыйную прастору запоўнілі фэйкі. Любая выдумка адразу тыражуецца тэлеграм-каналамі, іншымі сацсеткамі і месенджарамі. У інтэрнэце гучаць заклікі да цкавання, публікуюцца асабістыя звесткі, патокам льюцца абразы і пагрозы. Як засцерагчы людзей, у тым ліку тых, хто мае дачыненне да  выбарчай кампаніі,  абмяркоўвалі сёння на нарадзе ў Прэзідэнта. Склад удзельнікаў лагічны, сярод іх  міліцыя, пракуратура, Следчы камітэт, КДБ, МНС.  Зараз асабліва важная скаардынаванасць дзеянняў усіх штабоў бяспекі. Людзей трэба абараніць, спыніць усе спробы правакацый і масавых сутыкненняў. 

Абмяркоўвалі сёння і справу баевікоў - затрыманне пад Мінскам прадстаўнікоў прыватнай ваеннай кампаніі і іншыя спробы дэстабілізаваць сітуацыю ў краіне. 

Усе падрабязнасці ў Ілоны Красуцкай. 

Спробы дэстабілізаваць сітуацыю ў краіне

Што тут скажаш. Людзі яшчэ не адышлі ад усіх бед пандэміі, памятаем, як спачатку было цяжка маральна. Такі ж псіхалагічны націск адчуваеш ад усяго таго негатыва, які зараз прысутнічае ў інфармацыйнай прасторы. Новая падстава - выбарчая кампанія. Добра, калі б паток шуму так і заставаўся ў інтэрнэце, але ўсё часцей мы бачым рэальную пагрозу бяспецы. 

Нарада па гарантаванні бяспекі выбарчай кампаніі

Апошнім часам нарады  і шматлікія тэзісы прэзідэнцкага Паслання датычыліся фактычных спроб дэстабілізацыі сітуацыі ў краіне. Правакацыі, хлусня і абразы ў адрас усіх галін улады, прамыя пагрозы супрацоўнікам выбарчых камісій, міліцыі. Стала зразумела, патрэбны дадатковыя меры, каб гарантаваць бяспеку ў найбліжэйшы час. 

Уласная і грамадская бяспека

Трэба сказаць, з-за апошніх падзей людзі сталі больш уважліва ставіцца да пытання ўласнай і грамадскай бяспекі. Затрыманне баевікоў пад Мінскам і паведамленні аб тым, што дзесьці на тэрыторыі нашай краіны яшчэ можа быць злачынная група,  знайшлі водгук сярод беларусаў. Людзі неабыякавыя: тэлефануюць, звяртаюць увагу на падазроных незнаёмцаў, безгаспадарныя прадметы. Гэтая боязь не перабольшана. На днях Прэзідэнт распавёў, што паступіла інфармацыя аб яшчэ адным атрадзе, перакінутым на поўдзень. Зрэшты, гэта не адзіныя спробы ў такім родзе, накіраваныя на дэстабілізацыю сітуацыі ў краіне. 

А. Лукашэнка: Ідзе гібрыдная вайна супраць Беларусі,  мы павінны чакаць гадасцей з любога боку

Напярэдадні ў тэлефоннай размове з Уладзімірам Зяленскім наш Прэзідэнт у тым ліку абмяркоўваў пытанне затрыманых баевікоў. Некаторыя з іх удзельнічалі ў баявых дзеяннях у Данбасе. Украінская пракуратура зараз вядзе расследаванне па гэтых фактах. Праваахоўныя органы будуць супрацоўнічаць у рамках падпісаных з Расіяй і Украінай міжнародных пагадненняў.

Генпракурораў Расіі і Украіны запрасілі ў Мінск для разгляду з затрыманымі баевікамі

Чым бліжэй фінал выбарчай кампаніі, тым больш актыўна гучаць заклікі ў інтэрнэце: сабрацца, выйсці на вуліцу пад выглядам нібыта мірных акцый. Усё па тэхналогіі. Раздаюцца ўказанні: у колькі і дзе збор, каму і што рабіць. Паралельна разгортваецца цэлая стратэгія, каб перашкодзіць працы выбарчых камісій і супрацоўнікаў, якія забяспечваюць парадак на ўчастках. 

Мір і спакой Беларусі - уклад кожнага

Звычайна, ідучы па сваіх справах, на прагулку, у кіно або на канцэрт многія і зусім не задумваюцца аб тым, што прама ў гэтыя хвіліны тысячы людзей не маюць такой магчымасці. Наш набытак - мір і спакой -  успрымаюцца як штосьці неад’емнае, што набіла аскому. Ці хочам мы захаваць нашы найвялікшыя каштоўнасці, залежыць ад рашэння кожнага з нас.