Калі ў навукі менавіта жаночы твар. Званне "Навуковец года" прысвоена прафесару, дырэктару Інстытута мікрабіялогіі Нацыянальнай акадэміі навук Беларусі Эміліі Каламіец. Рашэнне аб прысуджэнні гэтага звання прынята ўпершыню ў навуковай гісторыі нашай краіны. Аб тым, як у жаночых руках утрымаць мікрабіялагічную галіну і пры гэтым заставацца кумірам у маладых навукоўцаў, рэпартаж Таццяны Кароль.
Амаль паўстагоддзя ў навуцы. І яна для Эміліі Каламіец стала ладам жыцця, а не проста працай. Вось толькі такі выбар быў зроблены не адразу.
І спачатку навуковым домам стаў сталічны фізіка-тэхнічны інстытут, толькі праз тры гады інстытут мікрабіялогіі. Пасада простага лабаранта хутка змянілася пасля паспяховай абароны кандыдацкай. Трыумфам шляху, на якім былі і стварэнне вытворчасцяў, укараненне новых тэхналогій і фарміраванне навуковай школы, гэта апроч сотняў друкаваных прац, стала пасада дырэктара роднага інстытута мікрабіялогіі. За 14 гадоў такога дамскага шэфства арганізацыя тройчы трапляла на Рэспубліканскую дошку пашаны, патэнтавала даследаванні і трапіла ў топ-10 вынікаў за 2017 - Год навукі. А зараз інстытут запускае яшчэ адну тэхналогію.
Сур'ёзныя навуковыя задачы вырашаюць маладыя спецыялісты. Прызнаюцца: ідэяй захапіліся, у тым ліку і дзякуючы Эміліі Каламіец. Медыцына – адзін з кірункаў працы інстытута, але ў большай ступені працы прысвечаныя біяпрэпаратам для рыбаводства, жывёлагадоўлі, угнаенняў і аховы навакольнага асяроддзя.
І самае галоўнае, у калектыве аб усіх дасягненнях гавораць: "Камандная праца!". Заслужаныя навукоўцы перадаюць вопыт, каб у будучыні беларускай біятэхналогіі і мікрабіялогіі быў малады і прагрэсіўны твар. А ацэньваць свой поспех заслужаны кіраўнік давярае іншым.
Зараз навука - гэта не толькі папяровая праца. Больш за 200 праектаў лепшых розумаў краіны, прадстаўленых як вынік 2017-га Года навукі, таму пацверджанне. Але, усё ж, адно імя - Эмілія Каламіец - назаўжды ўвойдзе ў гісторыю Беларусі. Званне "Навуковец года" ўпершыню прысвоена Нацыянальнай акадэміяй навук. Дарэчы, зараз такі конкурс будзе праходзіць штогод. А званне лаўрэата будзе прысуджацца напярэдадні Дня беларускай навукі.
