Жыхарам трох раёнаў Мінска рэкамендавана часова выкарыстоўваць падвазную або бутыляваную ваду, паведамляе санэпідслужба. Напярэдадні ў цэнтралізаванай сістэме пітнога водазабеспячэння адбылася аварыя, яна закранула Першамайскі, Партызанскі, Савецкі раёны сталіцы.
Пашкоджанне лакалізавалі, зараз спецыялісты Мінскводаканала прамываюць сеткі ў зоне ўплыву станцыі. Калі работы завершацца, возьмуць пробы, каб ацаніць бяспеку вады.
