Зараз вернемся да адной з найбольш яркіх падзей цяперашняга тыдня, якая выклікала вялікую цікавасць не толькі ў Беларусі, але і за яе межамі.
Тры дні ў нашай краіне правёў знакаміты французскі акцёр Жэрар Дэпардзье. Сёння сусветна вядомы акцёр паляцеў з Мінска. Легендарны француз паспеў за гэтыя дні азнаёміцца з беларускай сельскай гаспадаркай, жыццём у аграгарадках, з нашай кухняй і традыцыямі. Замежны госць пабываў на сакральным для кожнага з беларусаў мемарыяле "Курган славы", дзе ўсклаў кветкі да манумента. А напярэдадні вечарам знакаміты француз пагутарыў у нефармальнай абстаноўцы з Аляксандрам Лукашэнкам - акцёр прыехаў у госці да Прэзідэнта. Жэрар Дэпардзье быў шмат чуў пра нашу краіну. Шмат інфармацыі ён запазычыў у Інтэрнэце, а таксама ў гутарках са сваімі сябрамі, якія наведвалі Мінск. Акцёр прыляцеў, каб сфарміраваць уласнае меркаванне аб Беларусі. Пры гэтым знакаміты француз выявіў ініцыятыву і папрасіў аб сустрэчы з Прэзідэнтам Аляксандрам Лукашэнкам. Прама напярэдадні адлёту з Мінска акцёр даў эксклюзіўнае інтэрв'ю праграме "Галоўны эфір". Жэрар Дэпардзье падвёў вынікі сваёй паездкі, падзяліўся ўражаннямі аб нашай краіне, а таксама распавёў пра высокае кінамастацтва, пра смачныя беларускія прадукты, пра вялікую палітыку.
Жэрар Дэпардзье, акцёр: "Аляксандр Лукашэнка праводзіць палітыку цалкам у інтарэсах свайго народа. Мне ўяўляецца ваш Прэзідэнт як свайго роду патрыярх, бацька вялікай сям'і, які і ў полі працуе, і тэхналагічную вытворчасць развівае. Я лічу, што больш высакародна займацца сельскай гаспадаркай, а не вайной. Чалавек, які апрацоўвае палі і сябруе з прыродай, ён ніколі не будзе ўчыняць дурных, неабдуманых учынкаў".
Поўную версію інтэрв'ю з Жэрарам Дэпардзье, а таксама вялікі рэпартаж з эксклюзіўнымі кадрамі знаходжання легендарнага акцёра ў Беларусі глядзіце ў гэту нядзелю ў "Галоўным эфіры".
