"Жанчын года" назвалі ў Гомельскай вобласці

Напярэдадні 8 Сакавіка назвалі імёны пераможцаў абласнога конкурсу "Жанчына года". Намінацый - сем. "Гаспадыня сяла", "Паспяховы кіраўнік", "Актыўная жыццёвая пазіцыя", "Матчына слава", "Жаночая доблесць" і іншыя. У конкурсе прынялі ўдзел ветэраны вайны і працы, паспяховыя кіраўнікі асобных прадпрыемстваў і нават цэлых раёнаў. Узнагароды атрымалі і шматдзетныя мамы - як жанчыны з самай цяжкай і адначасова самай прыемнай прафесіяй. Агульным падарункам для ўсіх стаў святочны канцэрт.