Канферэнцыя ААН па гандлі і развіцці - ЮНКТАД - высока ацаніла беларускае заканадаўства ў сферы развіцця канкурэнцыі. Арганізацыя зрабіла агляд нашай прававой базы, выкарыстоўваючы лепшыя сусветныя практыкі. З вынікамі азнаёміла падчас відэаканферэнцыі. Сярод станоўчых момантаў адзначаецца, што за кароткі тэрмін удалося дабіцца істотных вынікаў у фарміраванні сумленных правіл гульні для добрасумленнага саперніцтва на рынку, гэтыя падыходы адпавядаюць міжнародным стандартам. ЮНКТАД таксама выказала і шэраг пажаданняў на будучыню для паляпшэння прававых механізмаў.
За 4 гады ў Беларусі разгледжана больш за 400 спраў па парушэннях антыманапольнага заканадаўства. Пры гэтым пасля суд адмяніў рашэнні толькі па трох справах. І больш за 80 папярэджанняў за 3 гады атрымалі і дзяржорганы, і прадпрыемствы.
