Японскія жураўлі справілі наваселле ў сталічным заапарку. Танцуючыя птушкі перасяліліся ў вялікую вальеру з хаткай-хованкай. Размешчана яна побач з каляводнай сцежкай. Птушкі прыкметныя: іх рост можа дасягаць паўтара метра, а вядомыя яны дзякуючы сваім танцам. Рухі не звязаны са шлюбным перыядам, а з'яўляюцца спосабам зносін з іншымі асобінамі. Такім жа чынам японскія жураўлі выказваюць радасць.
Адзначым, японскія жураўлі ў Кітаі і Японіі лічацца свяшчэннымі. Фігуркамі і эмблемамі гэтых велічных крылатых упрыгожваюць інтэр'еры, прадметы побыту, паштовыя маркі і вясельныя кімано.
