Выстава ўзбраення Мілекс-2014 адкрылася ў Мінск-Арэне

Сёння ў Мінску адкрылася міжнародная выстава ваеннай тэхнікі, якая дэманструе лепшыя ўзоры ўзбраення з усяго свету. Паводле слоў прэм'ер-міністра Беларусі, форум з'яўляецца візітнай карткай абаронна-прамысловага комплексу нашай краіны. Міхаіл Мясніковіч адзначыў, што арганізатары пастараюцца стварыць для партнёраў спрыяльныя ўмовы па дэталёвым азнаямленні з экспартным патэнцыялам Беларусі ў сферы абароннага сектара. Прэм'ер-міністр падкрэсліў, што MILEX - адна з найбуйнейшых выстаў падобнага роду ва ўсходнееўрапейскім рэгіёне. Яна заўсёды адлюстроўвала тэндэнцыі і перспектывы сусветнага рынку ўзбраенняў. Міхаіл Мясніковіч пажадаў удзельнікам набыць карысныя кантакты і выказаў надзею, што выстава створыць прыемныя перадумовы для заключэння ўзаемавыгадных кантрактаў.