З 13 лютага экспазіцыя "Беларусь інтэлектуальная" будзе дэманстраваць апошнія дасягненні айчыннай навукі ў Гомелі. Гэта першы пункт у маршруце выставы па краіне.
Па словах арганізатараў, напаўненне перадавымі распрацоўкамі будзе не горшае, чым на сталічнай пляцоўцы. Плюс дададуцца стэнды з ноу-хау рэгіянальных універсітэтаў і прадпрыемстваў.
За два месяцы выстава пабывае ва ўсіх абласных цэнтрах, каб паказаць дасягненні беларускай навукі.
Неўзабаве экспазіцыю можна будзе наведаць і ў інтэрнэце ў віртуальным фармаце. Арганізатары абяцаюць эфект рэальнай прысутнасці.