Прайсціся па вуліцах "Асаблівага Мінска". Выстава ў Нацыянальнай бібліятэцы Беларусі - своеасаблівае падарожжа ў часе, якое рэальным робяць працы беларускіх класікаў і фатографаў. 20 мастакоў намалявалі славутасці і сімвалы з асобай цеплынёй і павагай да роднай сталіцы. Абрысы знаёмых будынкаў, старажытныя вуліцы без сучаснага глянцу. А старажытныя паштоўкі, гістарычныя выданні і графічныя лісты не даюць забыцца, якой была сталіца Беларусі ў розныя перыяды - горад-герой з тысячагадовай гісторыяй.
Дапаўняюць экспазіцыю тэматычныя выданні з фондаў Нацыянальнай бібліятэкі - маляўнічыя альбомы, навукова-папулярныя выданні, турыстычныя буклеты, паштоўкі з краявідамі, гістарычнымі месцамі і помнікамі Мінска.