Паступаць на розныя факультэты прыязджаюць абітурыенты з розных гарадоў. Студэнцкі білет самым таленавітым і мэтанакіраваным. Сёлета каля чатырох соцень абітурыентаў атрымалі вышэйшы бал на ЦТ. Як атрымаць запаветную сотню адразу па некалькіх дысцыплінах - даведалася Таццяна Бажко.
Каго больш радуе вышэйшы бал на тэсціраванні - вучня альбо настаўніка, сказаць складана. У Аляксея Кішкурна са Смалявіч адразу два 100-бальныя сертыфікаты ЦТ: па хіміі і біялогіі.
Пра тое, што хоча стаць урачом, Аляксей задумаўся пасля 9 класа. Тады і пачаў падрыхтоўку да паступлення ў медыцынскі універсітэт. Прызнаецца, яе можна назваць цікавым квестам.
Падаваць дакументы Аляксей пайшоў у першыя ж дні ўступнай кампаніі. У сваім поспеху і здольнасцях абітурыент не сумняваецца.
Дар'я Тулейка, выпускніца Стаўбцоўскай школы-гімназіі, з настаўнікам англійскай мовы на 100-бальны вынік працавалі некалькі гадоў. Сярод наведвальнікаў гуртка дапытлівых лінгвістаў таленавітую вучаніцу педагог заўважыла адразу.
Да выбару будучай прафесіі Дар'я падышла таксама сур'ёзна. Яна ў спісе абітурыентаў юрыдычнага факультэта БДУ. Вынікаў уступнай кампаніі чакае з нецярпеннем, каб распачаць новы этап ужо дарослага жыцця.