Вадзіцелі транспарту II Еўрапейскіх гульняў таксама ўносяць свой уклад у перамогу атлетаў

З пачатку II Еўрапейскіх гульняў мінчане і госці сталіцы ўжо прывыклі да транспартнай сітуацыі  ў горадзе,  і каб дабрацца на спартыўныя арэны і фан-зоны,  усё часцей  карыстаюцца грамадскім транспартам. Безумоўна, такія карэкціроўкі звыклых маршрутаў выдатна разгружаюць асноўныя аўтамабільныя артэрыі горада. 

Ну а спартсменам трапіць на спаборніцтвы са спазненнем проста недапушчальна. Менавіта для таго, каб усё прайшло па-спартыўнаму зладжана, распрацаваныя спецыяльныя маршруты для атлетаў, суддзяў і персаналу. Пра тых, чыя задача даставіць спартсменаў у цэласці і захаванасці, а галоўнае - своечасова, раскажа  Мікіта Дзяменцьеў.

Любы спартыўны трэнер вам скажа, што рэжым - гэта аснова выніку. І пакуль адны з зайздроснай нязменнасцю  выступаюць на II Еўрапейскіх гульнях, другія таксама ўносяць свой уклад у перамогу атлетаў. Размова  ідзе пра вадзіцеляў, якія дастаўляюць спартсменаў, суддзяў і персанал да месца спаборніцтваў. 

Вось адгэтуль, з Гарадскога Вала, спартсмены і акрэдытаваны персанал II Еўрапейскіх  гульняў і адпраўляюцца на спартыўныя пляцоўкі. Развозяць іх брэндзіраваныя аўтобусы. Дарэчы,  інтэрвал прыбыцця 15-25 хвілін, у залежнасці ад маршруту. На прыпыначных пунктах усталяваныя інфармацыйныя таблічкі з маршрутам і раскладам. А каб не згубіцца, за кожным аўтобусам замацаваныя валанцёры, якія і падкажуць тую самую дакладную дарогу. Кіруюць гэтымі аўтобусамі за адну змену парадку 60 вадзіцеляў, і з адным з іх мы зараз і пагутарым. 

Алег Няткач  прызнаецца, што быў вельмі рады, калі яму даручылі перавозіць спартыўную эліту Еўропы. Кажа, што хоць і не чуе, пра што гавораць атлеты, але назіраць за іх эмоцыямі перад стратамі заўсёды цікава.

Алег Няткач, вадзіцель аўтобуса II Еўрапейскіх гульняў: "Тут вельмі спакойная праца, супрацоўнікі ДАІ забяспечваюць нам вельмі лёгкі праезд па горадзе. Ні ў якім выпадку не параўнаецца з тым, калі мы працуем у звычайным рэжыме па горадзе,  там значна цяжэй у агульным патоку, а тут усё вельмі лёгка і  проста".

Зрэшты,  за ўяўным спакоем - напружаная праца, якая забяспечвае адпачынак пасажыраў на шляху да спартыўных арэн. Прасторны салон, музыка і  кандыцыянер. 

П'ер Пліён, прадстаўнік зборнай Францыі: "Вельмі добрая арганізацыя транспарту. У асноўным на інтэрнацыянальных спаборніцтвах транспарт едзе павольна, а тут ты дабіраешся да месца хутка,  так што гэта сапраўды выдатна. Больш за тое, нават калі ты едзеш не на спаборніцтвы, ты ўсё роўна можаш скарыстацца акрэдытацыяй і бясплатна пракаціцца па Мінску. Гэта вельмі зручна".

Пол, прадстаўнік зборнай Вялікабрытаніі: "Выдатнае транспартнае абслугоўванне, цудоўныя Гульні, у вас прыгожы горад і атлеты сапраўды тут атрымліваюць асалоду".

Акрамя змяшчальных аўтобусаў, дапамагаюць у перавозцы і айчынныя красоверы. Яркі лагатып на борце лёгка выдзяляе  машыну ў агульным патоку. Асноўныя пасажыры такіх аўто - суддзі і арганізатары спаборніцтваў.

Дарэчы, на спартыўны рэжым пераключыліся і святлафоры. На асобных участках ля пад'езду да спартыўных комплексаў зялёны калідор павялічаны на 10 секунд. Што да перавозкі спартсменаў, то незалежна  ад іх месца на п'едэстале,  на спартыўныя пляцоўкі яны заўсёды трапяць своечасова.