Аб асаблівасцях арганізацыі дарожнага руху падчас адкрыцця і закрыцця ІІ Еўрапейскіх гульняў распавяла дарожная міліцыя Мінска. Заўтра, у дзень адкрыцця вялікага спартыўнага форуму, квартал у раёне стадыёна "Дынама" будзе абмежаваны для перамяшчэння, забаронены там будзе прыпынак і стаянка ўсіх відаў транспарту.
Размова аб абмежаваннях на Кірава, Ульянаўскай, Свярдлова, Камсамольскай, Валадарскага, Карла Маркса. Таксама нельга будзе прыпаркавацца і пакінуць машыну ля канцэртнай залы "Мінск". Гэтая інфармацыя актуальная і ў дзень закрыцця еўрапейскіх спаборніцтваў.
ДАІ просіць з разуменнем паставіцца да вымушаных мер, і, выязджаючы ў горад, выбіраць іншы маршрут руху.
Падчас адкрыцця і закрыцця ІІ Еўрапейскі гульняў у Мінску абмяжуюць рух
20 июня 2019
