У Беларусі праходзяць Дні культуры Растоўскай вобласці. Азнаёміцца з народным набыткам гэтага рэгіёна можна на шасці пляцоўках. Асноўная - Палац Рэспублікі. Запланаваны выставачныя кампазіцыі, выступленні казачых калектываў, балет і спектаклі. Убачыць культурную спадчыну Растоўскай вобласці змогуць жыхары не толькі Мінска, а таксама Віцебска і Слуцка.
Святочныя мерапрыемствы прадоўжацца да канца тыдня. Супрацоўніцтва паміж культурнымі ўстановамі Растоўскага рэгіёна і Беларусі дазволіць адкрыць новыя гарызонты для далейшага развіцця культурнага абмену.
