Сёння ў беларускіх школьнікаў урачыстае і доўгачаканае свята. Выпускныя вечары і ўручэнне атэстатаў праходзіць па ўсёй краіне.
У Палацы Рэспублікі прымаюць віншаванні выпускнікі адразу трох устаноў адукацыі: 22-й гімназіі, cталічнага ліцэя № 1 і ліцэя тэхнічнага ўніверсітэта. Ва ўрачыстай атмасферы 500 маладых людзей атрымалі дакументы аб заканчэнні школы, далей адбудзецца забаўная праграма. Скончыцца ўрачыстасць каля 6 раніцы па традыцыі сустрэчай світанку.
ЦТ пачнецца 16 чэрвеня з беларускай мовы
Па ўсёй краіне атэстаты за 9 класаў атрымалі звыш 90 тысяч юнакоў і дзяўчат, а атэстат 11-класніка - каля 51 тысячы. Наперадзе ў выпускнікоў напружаная пара. Цэнтралізаванае тэсціраванне пачнецца 16 чэрвеня з беларускай мовы.