Працаўладкаванне, жыллёвыя спрэчкі і ахова здароўя - з такімі праблемамі прыйшлі жыхары Капыльскага раёна на прыём грамадзян, які праводзіў старшыня Палаты прадстаўнікоў Нацыянальнага сходу Беларусі Уладзімір Андрэйчанка. На прыём да спікера запісаліся каля 10 чалавек. Па ўсіх скаргах дадзены даручэнні да разгляду іх у самыя кароткія тэрміны. Паводле ацэнкі парламенцёра, найбольш вострыя пытанні да ЖКГ на Капыльшчыне вырашаныя. Раён добра падрыхтаваўся да зімы, дарогі расчышчаныя, у дамах цяпло. У той жа час ёсць пэўныя прабелы ў ахове здароўя.
Паводле слоў старшыні Палаты прадстаўнікоў, ужо ў пачатку 2015 года могуць быць прынятыя папраўкі ў Закон аб зваротах грамадзян. Хутчэй за ўсё, яны будуць паступаць у электронным выглядзе.
