Выканаем усё на 100 % і нават больш! Сёння ў Зорным гарадку ўрачыста праводзілі асноўны і дублюючы экіпажы 21-й экспедыцыі наведвання МКС на Байканур.
Спачатку паводле традыцыі снеданне. Прысутнічаюць толькі калегі і родныя. Прэса цярпліва чакае на вуліцы. Гэта зроблена для таго, каб члены экіпажаў пазбеглі лішняга кантакту з вялікай колькасцю людзей.
Але журналісты без інфармацыі не засталіся. Беларуска-расійская касмічная каманда распавяла, з якімі пажаданнямі і настроем з'язджаюць на Байканур.
Пасля праводзінаў члены экіпажаў адправіліся ў аэрапорт Чкалаўскі, дзе іх спецбортам даставяць у Казахстан на Байканур. Там іх чакае завяршальны этап падрыхтоўкі да палёту. Каманда будзе выконваць "кантрольную прымерку" карабля.
Старт 21-й экспедыцыі запланаваны на 21 сакавіка. Беларуска ўпершыню ў гісторыі суверэннай Беларусі адправіцца ў космас.