Аграрыі Беларусі паступова набліжаюцца да першай запаветнай планкі. На сёння збожжа ў нашай краіне намалочана больш як 968 тысяч тон. З-за дажджоў тэмп прац трохі знізіўся. Пры гэтым у аснове строгае выконванне тэхналогіі і тэрмінаў уборачнай. У лідарах па-ранейшаму Брэсцкая, Гомельская і Гродзенская вобласці.
Да кампаніі далучыўся і паўночны рэгіён. У Віцебскім раёне прайшлі абласныя "Зажынкі". Уборачная стартавала ў аграгарадку Мазалава, першыя каласы зжалі камбайнеры сельгаспрадпрыемства "Мазалавагаз". Сёлета пад збожжа тут адвялі звыш 1700 гектараў. Хлебаробы разлічваюць на добры ўраджай. Для Аляксандра Шлеперава, камбайнера з 30-гадовым стажам, у гэтай гаспадарцы ўжо 15-ы сезон уборкі.
Сем камбайнаў задзейнічаныя ва ўборачнай у гаспадарцы "Мазалавагаз". Сушыльная гаспадарка даволі магутная - тры сушылкі за дзень могуць апрацоўваць каля 700 тон збожжа. Убраныя палі пачнуць адразу рыхтаваць пад восеньскую сяўбу азімых.