У цэнтральным рэгіёне павялічваецца колькасць ДТЗ на чыгунцы і пераездах. Да аварый часцей за ўсё прыводзіць невыкананне правіл дарожнага руху аўтамабілістамі, пешаходамі і веласіпедыстамі. Ва ўмовах гарачага надвор'я варта памятаць, што бестурботнасць, самаўпэўненасць і імкненне праскочыць перад цягніком прыводзяць да сумных наступстваў. Вострая праблема на чыгунцы летам - дзіцячы і падлеткавы траўматызм.
Каб засцерагчы сябе пры перасячэнні чыгуначнага палатна, вадзіцелям і пешаходам неабходна пераканацца ў адсутнасці паблізу цягніка. Важна звяртаць увагу на дарожныя знакі і разметку, святлафоры, шлагбаум, гукавыя сігналы і ўказанні дзяжурнага па пераездзе.
