У сталіцы з падвойным святам павіншавалі мам нованароджаных, якія з'явіліся на свет у Дзень Незалежнасці

Акцыя "Белая Русь" - з любоўю да дзяцей" прайшла ў радзільным аддзяленні 1-й гарадской клінічнай бальніцы сталіцы. У Дзень Незалежнасці тут з'явіліся на свет восем малышоў. Усяго ж па Мінску з падвойным святам павіншавалі мам  43 нованароджаных: 20 хлопчыкаў і 23 дзяўчынак.

Дзмітрый Шаўцоў,  галоўны ўрач 1-й клінічнай бальніцы г. Мінска, старшыня Мінскай гарадской арганізацыі РГА "Белая Русь": "Гэта наша нацыянальнае свята, самае галоўнае свята - Дзень Незалежнасці, і тыя дзеткі, якія нараджаюцца ў Дзень Незалежнасці, гэта вельмі сімвалічна, таму тыя падарункі, якія "Белая Русь" дорыць тым мамам, якія нарадзілі 3 ліпеня, гэта вельмі знакава, у тым ліку і для нас".

Акцыя "Белая Русь" - з любоўю да дзяцей" праводзіцца 12-ты год. За гэты час у Дзень Незалежнасці Беларусі ў сталіцы нарадзілася 698 дзяцей.