Унікальны прыклад заўсёды адчыненых царкоўных дзвярэй. Сабор у цэнтры мястэчка Глыбокае Віцебскай вобласці - Благавешчанне, Вялікдзень і іншыя важныя хрысціянскія святы - на працягу 360 гадоў сустракае бесперапынку. Узор веры, якую ў 16 стагоддзі закладвалі яшчэ манахі-кармеліты
Расказвае Наталля Бардзілоўская.
Згодна з мясцовым паданнем, імператар Напалеон, які стаяў у Глыбокім 10 дзён, параўнаў глыбоцкі сабор з Нотр-Дам дэ Пары і шкадаваў, што не можа забраць "беларускую пярліну" з сабой. Узор віленскага і сармацкага барока – храм за 55 метраў увышыню, з найвышэйшага пункта – панарама горада. Прастора для малення ўмяшчае да трох тысяч чалавек. І закрытыя ад усеагульнага вока катакомбы - на дзясятку метраў пад храмам - крыпта, якая не ўступіць нясвіжскай. За тры з паловай стагоддзі ў падзямеллі чаго толькі не было: хавалі манахаў, пасля вайны – склад кансервавага завода, пакуль наверсе маліліся, унізе па рэйках пускалі ваганеткі з гароднінай.
Сёлета роўна 140 гадоў, як ён праваслаўны. Але сабору Ражаства Прасвятой Багародзіцы, відаць, на лёсе напісана жыць у суладдзі з заходнехрысціянскімі братамі. Акрамя таго, што сцены храма – спадчына кляштара, насупраць яго сёння – Свята-Траецкі касцёл.
Ад каталіцкай мінуўшчыны праваслаўнаму сабору дасталася святая рэліквія - іконе Богамаці Чанстахоўская за 260 гадоў. Абраз – дакладны спіс з той, якую апостал Лука пісаў з самой Богамаці, трымаюць злева ад алтара. Маліцца ў праваслаўны храм прыходзяць католікі. На супрацьлеглым жа баку на абраз Чанстахоўскі глядзіць праваслаўны цудатворны лік.
Ікона Маці Божай "Годна ёсць" ("Міласцівая"): абраз - дакладная копія афонскага. Грэчаскія манахі напісалі святы лік алеем на кіпарысавай дошцы і асвяцілі яго вадой з ракі Іардан. За рамкай абраза размясцілі часцінкі мошчаў святых і кавалачкі ваты, прамочаныя алеем з Гроба Гасподняга.
Гэта ікона ў Глыбокім з’явілася ў 1911 годзе. Цудатворная - упэўніліся прыхаджане і прыезжыя, якія просяць Багародзіцу аб здароўі, сямейным ладзе, дзетароднасці. Мясцовыя свяшчэннікі лічаць – не яны кіруюць саборам, а Маці Божая.
