У Шклоўскім раёне стартуе фестываль Александрыя збірае сяброў

Гулянні традыцыйна адбудуцца на беразе ракі Дняпро, каля моста, які злучае не толькі два населеныя пункты - Александрыю і Копысь, але і дзве вобласці - Магілёўскую і Віцебскую. Гэтым разам арганізатары адмовіліся ад традыцыйных падворкаў. Іх заменіць горад майстроў. У праграме - фестывалі льну, квасу, піва, майстар-класы па кераміцы, экскурсіі на цеплаходзе. А ўвечар - гала-канцэрт і маляўнічы феерверк. Не абыдзецца і без традыцыйных для Купалля вянкоў і вогнішчаў.