Каго выбіраць - прэзідэнта альбо парламент - яшчэ трэба вырашыць. Кіраўнік Цэнтрвыбаркама Лідзія Ярмошына напярэдадні ў інтэрв'ю "Галоўнаму эфіру" расказала аб верагоднасці пераносу адной з выбарчых кампаній 2020 года на 2019. Нагадаем, паводле календара выбараў і рэферэндумаў, праз два гады (амаль у адзін і той жа час) у Беларусі павінны адбыцца абедзве маштабныя палітычныя гонкі.
Лідзія Ярмошына, старшыня Цэнтральнай камісіі Беларусі па выбарах і правядзенні рэспубліканскіх рэферэндумаў:
"Сумясціць дзве выбарчыя кампаніі нашы выбарчыя камісіі, якія складаюцца ўжо ніжэй Цэнтрвыбаркама з адных грамадзянікаў, як і цэнтрвыбаркам, не ў стане. Больш за тое, яны натуральна вельмі палітызуюць атмасферу, і гэта не на карысць грамадству, таму што гэта можа дэстабілізаваць становішча палітычнае, грамадскае. Я думаю, іх будуць разводзіць, але якія выбары рабіць першымі, а якія другімі. Я думаю, што напрыканцы 2019 года трэба праводзіць нейкую выбарчую кампанію. Лістапад 2019, думаю, ідэальны час для гэтага".
Зараз у самым разгары выбары ў мясцовыя Саветы дэпутатаў - яны пройдуць 18 лютага. Аб жаданні ўступіць у барацьбу за дэпутацкі мандат заявілі амаль 23 тысячы чалавек. Выніковы спіс кандыдатаў з'явіцца да канца тыдня, а з чацвярга ў краіне стартуе агітацыя.