У Шклове адкрыўся Цэнтр гігіены і эпідэміялогіі

Як заявіў міністр аховы здароўя, усяго ў горадзе Ухань знаходзіліся 12 нашых суайчыннікаў. З 8 усталяваны кантакты. Казахстан і Расія пацвердзілі гатоўнасць у працэсе эвакуацыі сваіх грамадзян  забяспечыць месцы і для нашых грамадзян. Расія плануе эвакуацыю ў найбліжэйшыя дні.  Заявы аб сітуацыі з каранавірусам у нашай краіне  міністр аховы здароўя зрабіў падчас адкрыцця ў Шклове  Цэнтра гігіены і эпідэміялогіі. Ён пераехаў у новы будынак, што дазволіла размясціць сучаснае абсталяванне для аператыўных даследаванняў. Так, напрыклад, пры падазрэнні на каранавірус будзе праведзены забор матэрыялу і забяспечана яго захаванасць на этапе транспарціроўкі.