Музыка, ілюмінацыя, атракцыёны і шмат смачнай ежы. У навагоднюю ноч Гомель тануў у атмасферы свята. Эпіцэнтрам весялосці стала плошча Леніна, дзе ўсталявана галоўная ёлка вобласці. Вышыня зялёнай красуні 36 метраў. Яе ўпрыгожваюць 120 святлодыёдных гірлянд - гэта 22 тысячы пікселяў. Малюнкі на ёлцы заўсёды яркія і дынамічныя. Для самых маленькіх і актыўных - цэлы міні-парк забаў. Маляўнічыя фотазоны - каб захаваць радасныя моманты свята. Спецыяльна для тых, хто прагаладаўся, усталяваны фірменныя фудтракі гомельскіх бараў і рэстаранаў.
Дух навагодняй казкі на галоўнай плошчы горада захаваецца да 14 студзеня.