Грамадзянку Беларусі вызвалілі з палону ў М'янме. Аперацыя па эвакуацыі доўжылася некалькі месяцаў. Жанчыну ўтрымлівалі на зачыненай тэрыторыі пад аховай узброеных людзей. Дзякуючы намаганням нашых дыпламатаў, яна вярнулася на радзіму. Падрабязнасцямі з журналістамі падзяліўся пасол Беларусі ў В'етнаме.
Уладзімір Баравікоў, Надзвычайны і Паўнамоцны Пасол Беларусі ў В'етнаме:
Карыстаючыся нагодай, хацеў бы выказаць шчырую ўдзячнасць усім датычным, асаблівую падзяку - кіраўніцтву Асацыяцыі дружбы М'янмы і Беларусі, якая аказала неацэнную дапамогу.
Выязджаючы на працу за мяжу, праверце легальнасць прапановы
МЗС Беларусі папярэджвае грамадзян аб небяспецы, звязанай з працаўладкаваннем за мяжой. Перш чым выехаць на працу за мяжу, трэба ўсё дбайна праверыць і пераканацца ў легальнасці прапановы.
Тэлефон Дэпартамента па грамадзянстве і міграцыі МУС Беларусі: +375(17)218-52-64
Атрымаць патрэбную інфармацыю можна па тэлефоне Дэпартамента па грамадзянстве і міграцыі або ўдакладніць на сайце МУС.