Забяспечыўшы правапарадак, мы абаранілі краіну і захавалі яе суверэнітэт, адзначыў Іван Кубракоў. З 9 жніўня ў краіне зарэгістравана 1 750 злачынстваў, звязаных з масавымі беспарадкамі, пагрозамі, гвалтам, супраціўленнем праваахоўнікам. З іх 667 - у дачыненні вартавых парадку. Акрамя таго, больш за 1 200 юных грамадзян прынялі ўдзел у пратэстных акцыях. Сёння ў МУС прайшла калегія, падвялі вынікі працы за мінулы год, а таксама абмеркавалі планы на гэты. Падчас пасяджэння адзначылі, што істотна змянілася структура агульнай злачыннасці. У топ выйшлі злачынствы ў IT-сферы. Іх лік узрос у 2020-м больш чым у 2 разы. Па-ранейшаму актуальная праблема аварый з удзелам п'яных вадзіцеляў і бяспраўнікаў. У МУС унесены прапановы аб узмацненні адказнасці за такія парушэнні. Таксама міністр унутраных спраў Іван Кубракоў дадаў, што праваахоўнікі гатовы супрацьстаяць любым выклікам і пагрозам. "Прытрымліваючыся агульначалавечых каштоўнасцяў, выконваючы законы, мы зможам захаваць рэспубліку моцнай і незалежнай".
